هذا زمانٍ تبرى الخل من خله
وأظن مابك رجىً يا كامل الزيني
الله يخلفك بخلٍ يبري العله
مهوب لى ثار شوق النفس يكويني
حاولت فيك الوسايل يالغضي كله
لكن قلبك عنيدٍ يا نظر عيني
انساك حتى ولو تدمح لي الزله
خلاص مابي صبر يا جاهلٍ فيني
خليتني في الهوى عايش على ذله
والله ماهوب ذا سِلم المحبيني
الشيب فيني ظهر ماجا على حله
وش حيلتي في هواك مقدم سنيني
من سبتك يا هوى كني على مَلَه
تمزح وتجرح ولا تفكر تداويني
همي وليفٍ الاقي عنده الفَله
وجه بشوشٍ إلى جيته يسليني